Gisugdan na ang inisyal nga mga lakang alang sa posible nga pag-convert sa Valencia gikan sa component city ngadto sa usa ka Highly Urbanized City (HUC)
Matod pa sa pamahayag sa tigpamaba sa syudad nga si kanhi City Mayor Jun Galario, ang siyudad nakaabot na sa mga batakang requirements sama sa taas nga populasyon ug igo nga kita. Nakuha na usab ang mga certification gikan sa nagkadaiyang ahensya sa lokal nga gobyerno, lakip ang City Treasurer ug mga opisina nga nagdumala sa population ug budget.
Apan, aron mapormal ang maong conversion, kinahanglan pa kini og pag-apruba gikan sa Malacañang ug resolusyon gikan sa Sangguniang Panlungsod. Giingon nga naipasaka na ang maong proposal sa konseho ug gisugdan na ang inisyal nga diskusyon niini.
Usa sa mga gitan-aw nga benepisyo sa pag-convert ngadto sa HUC mao ang posibleng pagtaas sa national tax allocation (NTA) sa siyudad. Sumala sa pananglitan nga gihatag, kung ang kasamtangang alokasyon kay 100 milyones pesos, posible kini mosaka ngadto sa 140 hangtod 150 milyones pesos, bisan pa man giingong hypothetical pa kini nga estimasyon
Padayon pa ang pagtuon ug diskusyon sa maong proposal samtang wala pa’y pinal nga desisyon gikan sa mga kinauyokan nga ahensya ug sa lokal nga konseho
Photo Courtesy: Valencia City LGU
