Nagplano ang Samahang Basketbol ng Pilipinas (SBP) nga mokuha og foreign coach para mahimong sunod nga head coach sa Gilas Pilipinas Women’s 5-on-5 team.
Sumala ni SBP executive director Erika Dy, naa na silay shortlist nga 6 hangtod 7 ka coaches nga gikan sa Europe, United States, East Asia, ug Southeast Asia. Gilauman nga mahuman ang pagpili karong bulan. Matod ni Dy, usa sa rason sa pagkuha og foreign coach mao ang pagpa-angat pa sa lebel sa team ug pagpalayo sa posibleng isyu sa pagpili og players tungod sa “grupo-grupo” o personal nga koneksyon.
Gipadayag usab niya nga lisod kung local coach ang mopili sa players kay usahay naay intriga, busa mas gusto nila ang neutral o dili taga-ila sa local system. Ang kanhi coach nga si Patrick Aquino miresulta og maayong performance sa team, lakip na ang kampeonato sa Southeast Asian Games 2025, apan magpabilin siya sa SBP aron motabang sa grassroots development sa women’s basketball.
Ang bag-ong coach ang magdala sa Gilas Women sa umaabot nga mga kompetisyon sama sa 2027 FIBA Women’s Asia Cup ug sa target nga Olympic qualification sa 2028 Los Angeles Olympics.
Photo Courtesy: Fastbreak
