Giwarawara ni Albert Ian Delos Santos ang bandera sa Pilipinas human nakadaog sa duha ka bulawang medalya ug bag-ong junior world record sa prestihiyosong International Weightlifting Federation (IWF) World Junior Championships nga gipahigayon sa Ismailia, Egypt.
Mialsa ang 19-anyos nga Filipino lifter og 187 ka kilo aron makuha ang bulawang medalya sa clean and jerk sa men’s 71-kg division. Kauban niini, nakabutang siya usa ka bag-ong rekord sa kalibutan sa dibisyon, nga milabaw sa iyang miaging marka sa kalibutan nga 185kg.
Mipahiluna si Delos Santos sa ikalimang dapit sa snatch nga may gibug-aton nga 139kg. Hinuon, igo na kini alang kang Delos Santos nga nakasakmit og laing bulawan sa kinatibuk-an, nga nakataas og total nga 326kg.
Gusto ni Delos Santos nga ipahinungod ang iyang kadaugan sa iyang amahan nga nitaliwan na karong bag-o. Nagsilbi kini nga motibasyon alang ni Delos Santos nga magpadayon sa kompetisyon sa mga internasyonal nga torneyo.
Photo Courtesy: IWF Photo
