Gidayeg ang Armed Forces of the Philippines (AFP) sa malampusong pagpatuman sa “Atin Ito” mission sa Pag-asa Island, bisan pa sa presensya sa barkong pang-gyera sa China sa giingong lugar.
Sumala ni AFP spokesperson Rear Admiral Roy Vincent Trinidad, dili lamang simboliko ang misyon, ilabi na human malampusong napataas ang watawat sa Pilipinas sa Sandy Cay 2.
Nakaabot ang grupo sa target nga lugar pinaagi sa paggamit og jet skis, bisan pa sa giingong pangharass gikan sa usa ka Chinese frigate ug sa pagsunod sa tulo ka barko sa China Coast Guard.
Gipasiugda sa AFP ang dakong kamahinungdanon sa West Philippine Sea alang sa seguridad sa nasud ug sa panginabuhian sa mga mananagat ilabina sa mga yanong katawhan.
Photo Courtesy : PNA
