Nasikop sa kapulisan ang duha ka lalaki human gikatahong naghupot og ilegal nga armas pasado alas 11 sa gabii niaging adlaw, didto sa Purok 4, Barangay Lilingayon, Valencia City, Bukidnon
Giilan ang mga suspetsado nga silang alyas Dodong, ug alyas Jomil, pulos hingkod ang pangidaron, ug residente sa nahisgutang syudad
Sumala pa mitaho sa kapolisan ang usa ka alyas Nonoy, 30-anyos, diin duha sa mga sakop niini nakakalis ang mga suspetsado nga nagdala og wala masutang armas.
Gilayon giaksyonan sa kapolisan ang lugar kung asa namatikdan sa concerned citizen nga ang duha ka suspetsado nagtambay, atubangan sa panimalay ni alyas Nonoy, ug gipahibalo sa iyang bana lakip sa tag-iya sa balay
Nasayran sa imbestigasyon sa kapolisan, nga nasuko matud pa ang mga suspetsado, tungod gipasanginlan sa ilang amo nga nangawat sa ilang kanding
Nakuha sa mga posisyon niini ang usa ka shotgun nga adunay tulo ka bala ug usa ka .38 revolver ug unom sab ka bala.
Daling naglusad sab sa hot pursuit operation ang kapolisan ug nadakpan ang duha ka suspect, nga mag-atubang og kasong paglapas sa RA 10591 o Comprehensive Firearms and Ammunition Regulation Act
Photo Courtesy: Valencia City Police Station
