Mokabat sa 135 ka estudyante sa Manolo Fortich ang makabenepisyo sa Special Program for the Employment of Students (SPES), usa ka inisyatibo sa Department of Labor and Employment ug lokal nga kagamhanan.
Kini human gipadayag ni Jessamie A. Jorquia, ang Senior Labor & Employment Officer, Gikan sa Dole bukidnon nga Sumala pa niya ubos sa programa kini ginadumala sa Public Employment Service Office (PESO), ang mga benepisyaryo makadawat og adlawang sweldo nga ₱575.23 sulod sa 20 ka adlaw nga trabaho.
Ang sweldohan tungaon sa lokal nga kagamhanan ug sa DOLE, diin 60 porsyento saguton sa LGU samtang 40 porsyento gikan sa nasudnong ahensya
Sa pagkakaron, anaa na sa evaluation stage ang mga dokumento sa mga aplikante nga gilauman matapos sulod sa usa ka semana hangtod 10 ka adlaw. Human niini, ipadala ang mga estudyante sa ilang assignment base sa Notice to Commence nga ipagawas sa regional office.
Gitinguha sa mga tigpatuman nga masugdan dayon ang trabaho sa mga benepisyaryo, ilabi na sa mga Senior High School students, aron makompleto nila ang programa sa dili pa magsugod ang klase karong Hunyo.
Ang SPES usa ka programa nga nagtumong sa pagtabang sa mga estudyante nga makasuporta sa ilang edukasyon pinaagi sa temporaryong trabaho
Photo Courtesy: LGU – Manolo Fortich
