Masaligon ang Philippine National Police (PNP) nga madakpan usab sa mga otoridad ang negosyante nga si Atong Ang ug kanhi Ako Bicol Part-List Rep. Zaldy Co, nga parehong nag-atubang og high-profile nga mga kaso.
Matod ni PNP chief Jose Melencio Nartatez Jr., nagpadayon ang operasyon sa kapulisan gamit ang mga natukod nga plano ug koordinasyon sa nagkalain-laing ahensya aron masubay ang duha.Philippine News Digest
Si Ang ug uban pang mga akusado nag-atubang og kasong kidnapping with homicide ug serious illegal detention kalabot sa pagkahanaw sa pipila ka mga sabungero.
Niadtong Abril, giisyu usab ang red notice sa Interpol batok kang Ang, samtang gikatahong nakit-an siya sa Calabarzon. Samtang adunay Php20 milyones nga reward nga gitanyag alang sa impormasyon paingon sa iyang nahimutangan.
Sa laing bahin, giluwatan na ang warrant of arrest batok kang Co ug sa 17 ka uban pa, apil na ang pipila ka mga opisyal sa Department of Public Works and Highways (DPWH) ug mga direktor sa Sunwest Corp., kalabot sa anomalosong flood control project.
Nipasaka na ang Office of the Ombudsman og kasong graft ug malversation batok ni Co sa Sandiganbayan tungod sa giingong anomaloso nga Php289-million flood control project sa Oriental Mindoro. Hisayrang ang duruha mihimakak sa maong mga pasangil
Photo Courtesy: Manila Bulletin
