Pabilin pa karon nga nagpa-alim sa Agusan del Norte Probinsyal hospital ang usa ka 17-anyos nga lalaki, human maka-angkon ug samad dinunggaban sa tiyan dihang gitabangan ug kulata ug giluba gumikan matod pa sa selos, nga nahitabo sa Bolihon Beach Resort, Brgy. Tagcatong, Carmen, Agusan del Norte alas 3:00 sa hapon.
Ang biktima usa ka 17-anyos, nga taga Purok 2, Rojales, Carmen Agusan del Norte. Samtang ang mga suspek mao sila Cybren 18-anyos, naay kapuyo, taga Banza, Alex 18-anyos, laborer taga Baan Riverside, ug Renz 18-anyos naay kapuyo ug taga Cupin Compound, Brgy. Lapu-lapu, nga mga sakop sa Butuan City.
Sa inisyal nga imbestigasyon sa Carmen MPS, nga ang suspek nga si Cybren nagselos sa iyang kapikas kalabot sa biktima, nga maoy hinungdan nga, kalit nga mitungha ang suspek nga nagkupot og paddle ug gikulata ang biktima nga maoy hinungdan sa komosyon.
Atol sa insidente, gipugngan sa laing suspek nga si Axes ang biktima pinaagi sa paggakos niini, samtang ang ikatulong suspek nga giilang si Renz, kalit nga mitunga nga nagdalag kutsilyo ug gidunggab sa tiyan ang biktima.
Sa maong pang hitabo ang biktima daling gidala sa Nasipit District Hospital ug gi-refer sa Provincial Hospital alang sa dugang medikal nga atensyon.
Misulay matod pa pag-ikyas ang isa sa mga suspek nga si Cybren, apan na-intercept kini sa mga personahe sa 1st ADNPMFC, samtang ang suspek nga si Renz nasikop sa Barangay Captain ug gi-turnover ngadto sa kapulisan.
Sa pagsulat ning balita ang mga suspek ang naka kustodiya karun sa Carmen MPS alang sa tokmang disposasyon.
