Nasikop sa mga otoridad ang usa ka giilang High Value Individual (HVI) nga usa ka empleyado sa gobyerno human sa malampusong drug buy-bust operation nga gipahigayon niadtong gabii sa Abril 27, 2026, sa Barangay Poblacion, Bislig City, Surigao del Sur.
Ang operasyon gilusad pinaagi sa hiniusang pwersa sa Bislig City Police Station ubos sa pagpanguna ni PLTCOL Jassen N. Tuario, Acting Chief of Police, kauban ang mga operatiba sa RID 13, SDSPPO-PIU, PDEU-SDSPPO, ug sa koordinasyon sa PDEA Surigao del Sur.
Nahitabo ang operasyon mga alas 10:35 sa gabii diin nasikop ang suspetsado nga giila nga usa ka 29-anyos nga lalaki, adunay kapuyo, ug nagserbisyo isip empleyado sa gobyerno.
Matod sa kapulisan, ang maong persona giila nga usa ka High Value Individual tungod sa iyang giingong kalambigitan sa ilegal nga droga sa maong dakbayan.
Sa pagkakaron, anaa na sa kustodiya sa Bislig City Police Station ang suspetsado samtang giandam na ang kasong paglapas sa Republic Act 9165 o ang Comprehensive Dangerous Drugs Act of 2002 nga ipasaka batok kaniya.
Photo courtesy: Bislig PNP
