Gipanghimakak, nila Will Ashley ug Mika Salamanca nga ang ilang bag-o nga Instagram posts usa ka “hard launch” sa ilang rumored relationship. Niadtong Abril 5, 2026, ang mga litrato nga kuha atol sa bakasyon sa magtiayon sa Bangkok, Thailand nahisgutan online.
Sa mga hulagway, makita sila si Mika ug Will nga nagsul-ob og school uniform samtang nagpa-picture sa usag usa sa nagkadaiyang tourist ug food spots sa nahisgutang nasud.Trending sa social media ang maong konsepto sa pagkuha og mga hulagway. Wala’y nakitang kauban ang duha sa ilang gi-post nga mga litrato, busa abi sa mga netizen nga sila lang duha ang nagbakasyon.
Mao sab kini ang unang higayon nga nag-post ang duha sa ilang tagsa-tagsa ka Instagram feeds, human sila na-link sa usag-usa. Usa ka butang nga gituohan sa ilang mga fans nga daw gibutyag ang relasyon sa publiko. Gipasabot ni Will nga wa sila magtuo nga mag-viral ang ilang mga post kay nagsuway lang sila og trending concept sa social media.
Ang biyahe nila ni Mika ug Will sa Thailand dili ang unang higayon nga nakit-an sila nga nag-uban sa usa ka bakasyon. Niadtong Enero 2026, unang nag-viral online ang mga litrato sa duha nga nagbakasyon sa Hong Kong.
Photo Courtesy: Pep
