Balhog sa prisohan ang 43-anyos nga lalaki human kining nasakmitan ug ilegal nga drogang shabu pinaagi sa gilusad nga search warrant operation sa kapulisan sa Brgy Sta Isabel, Dipolog City niadtong Abril 28, 2026. Giila ang dinakpan nga si alyas “Mer”, ulitawo ug residente sa Purok 7 sa nasangpit nga barangay.
Nakuha gikan sa suspetsado ang 1 ka dako nga pakete ug 1 ka gamay nga pakete sa shabu ug mga drug paraphernalias. Mokabat sa 5 ka gramo ang nasakmit nga druga gikan sa suspetsado nga nagkantidad ug Php34,400.00.
Gilusad ang maong operasyon pinaagi sa mga personahe sa Dipolog City Police Station kauban ang Regional Drug Enforcement Unit 9 sa koordinasyon sa PDEA 9 bitbit ang search warrant nga gipagula sa RTC 9, Branch 6, Dipolog City.
Sa kasamtangan nakakustudiya na sa Dipolog City Police Station ang dinakpan, samtang ang mga nakumpiska nga mga ebidensya gi-turnover sa ZDN Provincial Forensic Unit alang sa eksaminasyon.
