Gipahibalo ni Presidente Ferdinand R. Marcos Jr. nga ipatuman na sugod Abril 30 ang dakong pagtaas sa maternity benefits sa Philippine Health Insurance Corporation aron mapagaan ang gastuhan sa mga mabdos nga inahan.
Sumala sa Presidente, ang coverage sa normal delivery mosaka ngadto sa PHP29,000 gikan sa PHP9,750 samtang ang cesarean section mosaka ngadto sa PHP58,000 hangtod PHP62,000 gikan sa PHP37,000.
Gipalapdan usab ang prenatal care gikan sa upat ngadto sa walo ka checkups lakip na ang bakuna ug laboratory tests. Ang postnatal care gisakop na usab sa tulo ka follow-up visits.
Gipadayag ni Marcos nga sa daghang higayon, kung sa ward manganak bisan sa pribadong ospital, posible nga walay bayranan sa pag-discharge sa pasyente.
Gipasabot sa Pangulo, nga ang tumong sa maong programa mao ang pagseguro nga ang matag inahan makapanganak nga luwas ug dili mabalaka sa gasto.
Photo Courtesy: CDC
