Nadakpan ang usa ka lalaki human misuway og kuha sa Php172 milyon nga jackpot prize pinaagi sa paggamit og peke nga lotto ticket sa opisina sa Philippine Charity Sweepstakes Office (PCSO).
Sumala sa kapulisan, mitungha ang suspetsado sa opisina aron i-claim ang maong dako nga kantidad, apan sa dihang gisusi ang iyang gipresentar nga ticket, nadiskubre nga kini peke o gipalsipikar.
Tungod niini, gilayon siyang gidakop ug giakusahan og falsification ug panikas.
Ang insidente nahitabo sa Mandaluyong City, diin hugot ang verification process sa mga lotto winners aron malikayan ang mga iligal nga pag-angkon sa premyo.
Matod pa sa awtoridad, ang maong panghitabo usa ka pananglitan sa “lottery fraud,” diin ang usa ka tawo mosulay og daog pinaagi sa peke o giusab nga ticket aron makapanikas sa sistema.
Padayon ang pahimangno sa mga otoridad nga ang tanang lotto claims ginasusi pag-ayo, ug ang bisan kinsang masakpan nga mamakak o manglimbong atubangon ang bug-at nga kaso ug posible nga pagkabilanggo.
Photo Courtesy : Nias News
