Gipahibalo sa mga opisyal nga giakusahan ang kanhi direktor sa Federal Bureau of Investigation (FBI) nga si James Comey tungod sa giingong paghulga niini sa kinabuhi ni US President Donald Trump.
Ang maong akusasyon naggikan sa usa ka Instagram post ni Comey niadtong Mayo sa miaging tuig nga nagpakita sa mga numero nga “86 47” nga gihimo gamit ang mga kinhason. Ang maong mga numero giinterpretar ni Trump nga nagpasabot nga ang “86” slang sa pagpatay ug ang “47” nagpasabot sa iyang pagka-ika-47 nga presidente sa US.
Apan, kusganong gihimakak ni Comey ang mga pasangil ug gibutyag nga siya usa ka inosente ug andam siyang atubangon ang kaso. Samtang gikataho nga ang post ni Comey sa Instagram seryoso nga pagpahayag ug makadaot sa presidente.
Sa pikas bahin, gibutyag usab ni Acting Attorney General Todd Blanche nga si Comey nag-atubang og mga kaso lakip ang paghimo og hulga batok sa presidente ug interstate threat, nga matag usa mahimong magdala og hangtod 10 ka tuig nga pagka priso.
Kahinumdoman nga nangayo na og pasaylo si Comey alang sa iyang post ug miingon nga wala siya nagdahom nga ang mga numero mahimong sabton sa uban nga moresulta sa dili maayong pag-interpreta.
Sa karun ang maong isyu nagpabilin nga ubos sa legal nga proseso samtang gihulat ang dugang nga kalamboan sa maong kaso.
Photo Courtesy: Axios
