Gipasigarbo sa Police Regional Office 11 ang natala nga dagkong mga kalampusan sa ilang gipakusgan nga anti-criminality campaign sulod sa 24-oras nga operational period gikan Abril 27 hangtod Abril 28, 2026.
Sa kampanya batok sa iligal nga droga, niabot sa 11 ka mga operasyon ang gipahigayon nga miresulta sa pagkasikop sa 11 ka personalidad, lakip na ang duha (2) ka High-Value Individuals (HVI) ug siyam (9) ka Street-Level Individuals (SLI).
Nasakmit usab sa mga otoridad ang shabu ug marijuana, nga adunay kinatibuk-ang kantidad nga Php485,612.00. Nadakpan usab sa kapulisan ang 27 ka mga wanted persons, diin 12 niini ang nalista isip most wanted persons sa municipal level, samtang 15 ang gi-categorize isip other wanted persons.
Samtang 10 ka mga operasyon ang gipatuman kabahin sa loose firearms nga nagresulta sa pagkasikop sa tulo (3) ka mga indibidwal ug pagkasakmit sa tulo (3) ka mga armas. Upat usab ka indibidwal ang nadakpan sa gipatuman nga operasyon batok sa ilegal nga sugal.
Gipasalig sa PRO 11 nga magpadayon ang ilang mga operasyon aron sa pagmentinar sa kalinaw sa rehiyon 11.
Photo Courtesy: PRO 11
