Gikumpirma ni Atty. Melvin Matibag, NBI Director nga dili AI Generated ang ilang gipresentar nga video kabahin sa death threat ni VP Sara ngadto kang Presidente Ferdinand Bong Bong Marcos Jr., ingon man kang First Lady Liza Araneta-Marcos ug kanhi House Speaker Martin Romualdez.
Kini iyang gipahayag atol sa pagdungog sa impeachment complaints batok kang Bise Presidente Sara Z. Duterte subay sa Rule III Section 7 sa Rules of Procedure in Impeachment Proceedings kagahapong adlawa, Abril 29, 2026.
Matod pa ni Matibag nga wala usab gidugangan ang mga video ug anaa na kini sukad pa pag abot nila ayha paman nagsugod ang impeachment hearing. Kini iyang nahimong pamahayag human nga gipangutana siya ni Deputy Speaker Jannette L. Garin kabahin sa AI Generate ba ang video nga ilang gipresentar.
Kalabot niini, wala gihapon mitambong si Bise Presidente Sara Z. Duterte sa ikatulong impeachment hearing nga gipangunahan ni Committee Chair Rep. Atty. Gerville “Jinky Bitrics” R. Luistro – Batangas, 2nd District.
Photo Courtesy: House of Representatives
