Gidakop sa kapulisan sa Macau, China ang usa ka humanoid robot human gi-aligahan nanghulga ug nanghadlok sa usa ka 70-anyos nga babayeng senior citizen. Nahitabo ang insidente huwebes sa gabii samtang ang babaye naglakaw duol sa Lok Yeung Fa Yuen residential complex sa Patane.
Ang robot, nga usa ka Unitree G1 model, kalit nga mihunong sa atubangan sa edaran babaye samtang nagatan-aw sa iyang selpon ug kalit nga nibabag sa iyang atubangan rason nga nangyo og tabang ang edaran, samtang dali usab kini nga girespondihan sa kapulisan ug gibalhog sa prisohan ang robot.
Gipahimangnoan usab ang operator sa maong robot nga usa ka 50-anyos nga lalaki, nga bantayan kini sa mga public spaces aron dili makahatag ug kabalaka labi na sa mga edaran pagkahuman gibalik kini kaniya.
Nasayran nga ang nahitabong komprontasyon dihang ang robot mobiya na unta sa lugar ug Mibarog lang kini sa luyo sa babaye aron magpaabot nga mahawan ang agianan, sumala pa sa operator niini nga si mak.
Ang Unitree G1 robot usa ka commercial humanoid robot alang sa promotional ug educational purposes nga dunay advanced obstacle avoidance systems ug depth cameras.
Photo Courtesy: Audacy
