Nadayon gihapon ang state visit ni King Charles III ug Queen Camilla ngadto sa United States bisan pa sa nahitabong pagpamusil sa Washington, D.C., sumala sa Buckingham Palace.
Human sa konsultasyon sa U.K. ug U.S., na desisyonan nga ipadayon ang pag bisita human nga nasiguro ang hugot nga seguridad.
Nahitabo ang insidente atol sa White House Correspondents dinner, diin usa ka armadong lalaki ang misulay og sulod ug mipabuto sa iyang dala nga shotgun.
Giingon sa mga awtoridad nga posible target sa gunman si President Donald Trump ug ang iyang asawa nga si Melania Trump, nga luwas nga napanalipdan sa mga presidential security.
