Giawhag sa Provincial Veterinary Office ang mga mag-uuma nga bantayan pag-ayo ang ilang mga kahayopan aron malikayan ang epekto sa grabeng kainit sa panahon.
Sumala ni PVET-Head Benjie Resma, importante ang padayon nga pagmonitor sa kahimtang sa mga binuhi ilabi na sa panahon sa taas nga temperatura.
Gipasabot nga ang kainit mahimong hinungdan sa stress ug sakit sa mga hayop nga posibleng moresulta sa kadaot sa panginabuhian sa mga mag-uuma.
Giawhag ang mga tag-iya sa kahayopan nga siguruhong adunay igo nga tubig, landong, ug hustong pag-atiman ang ilang mga binuhing hayop.
Tumong sa maong lakang nga maprotektahan ang livestock ug masiguro ang padayon nga produksyon sa agrikultura.
Photo Courtesy: MIS-OR PVET
