Gihangyo sa Philippine Movement for Climate Justice (PMCJ) ang gobyerno nga magdeklara og national climate emergency tungod sa nagkagrabeng epekto sa hulaw o tagtuyot sa nasud.
Sumala ni Laica Rayel, senior campaign officer sa PMCJ, dako na ang kadaot nga nasinati sa sektor sa agrikultura tungod sa kakulang sa tubig ug taas nga gasto sa produksyon nga gipahinabo sa oil crisis.
Giingon niya nga dili igo ang ayuda lamang isip solusyon, ug gikinahanglan ang mas lapad ug long term nga tubag batok sa climate crisis.
Lakip sa ilang gisugyot mao ang pagpatuman sa science-based climate action plans ug pagbiya sa paggamit sa mga fossil fuel aron mapugngan ang dugang kadaot sa kinaiyahan.
Base sa report sa state weather bureau, miabot na sa 15 ka probinsya sa Luzon ang nakasinati og grabeng hulaw. Gipailawom na usab sa state of calamity ang mga lalawigan sa Isabela ug Cagayan.
Photo courtesy: ricetoday
