Nakahatag og kalingawan sa netizens ang usa ka Cosplayer human siya nag-costume isip si Frieza, apan wala damha nga problema ang iyang body paint wala na dayon matanggal human sa iyang performance sa dalan.
Matod taho, gigamit sa cosplayer ang baga nga pintura aron makab-ot ang realistic nga hitsura sa karakter. Apan human sa pila ka oras nga pasundayag, naproblema siya sa pagtangtang niini, nga murag mas lisod pa kaysa sa iyang pag-arte isip kontrabida.
Ang insidente nahimong viral ug daghang netizens ang nalingaw sa iyang sitwasyon, uban sa mga komento nga “gi-give all na gyud niya para sa cosplay.”
Bisan pa niini, nagsilbi usab kini nga pahimangno sa ubang cosplayers nga mag-amping sa pagpili og body paint ug sigurohon nga luwas ug sayon tangtangon aron malikayan ang parihong nga kahimtang.
Bisan lisod ang ending, klaro nga ang iyang dedikasyon sa cosplay usa ka tinud-anay sa gugma sa arte ug paghatag-kalingawan sa publiko.
Photo Courtesy: Facts Pinoy
