Nihimo sa pagklaro ang Department of Labor and Employment (DOLE) ug National Wages and Productivity Commission (NWPC) nga walay kamatuoran ang nikatap nga impormasyon sa social media nga matod pa adunay pagpatuman sa pag-umento sa inadlaw nga suholan nga giingong naaprobahan na.
Giklaro sa duha ka ahensya nga ang mga hulagway ug video nga nagpakita og matud pa wage increase sayop ug walay kamatuoran.
Gipahibalo usab niini nga walay bag-ong wage order nga ipatuman ug magpabilin lang ang kasamtangang minimum wage sa tagsa-tagsa ka mga rehiyon.
Samtang nipahimangno sab ang buhatan ngadto sa publiko nga dili dayun motoo sa mga postings sa social media ug eberipika una ang impormasyon kung aduna ba kini kamatuoran.
Photo credits: dole.gov.ph
