Tulo ka panimalay ang nadamay sa sunog nga nahitabo alas 5:00 sa hapon , Abril 20, 2026 sa Purok Sambag, Lapu-Lapu Extension, Brgy. San Miguel.
Sumala sa inisyal nga impormasyon, paspas nga mikaylap ang kalayo nga miabot sa tulo ka kabalayan sa maong lugar.
Pinaagi sa mando ni Mayor Josef Cagas, dayon nga mipalihok ang City Disaster Risk Reduction and Management Office (CDRRMO) aron maghatag og hinanaling tabang sa mga apektadong residente. Lakip sa ilang gihatag ang mga relief goods ug uban pang pangunang panginahanglan sa mga biktima.
Gideklarar nga “fire out” ang insidente alas 6:14 sa gabii sa maong adlaw.
Padayon karon ang imbestigasyon sa mga otoridad aron matino ang hinungdan sa sunog ug ang kinatibuk-ang kantidad sa kadaut. Samtang nagpadayon usab ang koordinasyon sa lokal nga panggamhanan aron masiguro nga matagaan og igong suporta ug tabang ang mga naapektuhan.
