Patay ang usa ka masuso nga babaye ug ubang sakop sa pamilya human sa giingong Israeli airstrike sa balay sa pamilyang Saeed sa Srifa, habagatang Lebanon, samtang naglubong sila sa ilang amahan.
Si Aline Saeed, 7-anyos, naluwas sa pag-atake apan grabe ang naangkon nga samad sa kalawasan. Anaa sila sa lugar aron mag-ampo alang sa ilang amahan nga namatay, apan kalit nga naigo ang ilang balay sa airstrike nga miresulta sa kamatayon sa iyang masuso nga igsoon nga si Taleen, ug ubang paryente.
Matod sa apohan nga si Nasser Saeed, samtang naa sila sa sementeryo sa pag-ampo, kalit lang miabot ang kusog nga pagpamomba nga iyang gihulagway nga murag bagyo nga miigo sa ilang komunidad.
Ang mga lawas sa mga biktima gidala sa lungsod sa Tyre nga giputos sa panapton, samtang nagpadayon ang pagbangotan sa pamilya.
Gikataho nga usa kini sa daghang insidente sa grabeng pagpamomba sa Lebanon nga miresulta og kapin 350 ka patay sa maong panahona, lakip ang mga bata ug kababayen-an.
Giklaro sa Israeli military nga giimbestigahan pa nila ang insidente. Ang mga doktor sa lugar miingon nga daghan sa mga pasyente nga nadala sa ospital mao ang mga bata tungod sa kusog nga pagpamomba.
