Gikumpirma ni Department of the Interior and Local Government (DILG) Secretary Jonvic Remulla nga gipagawas na sa International Criminal Police Organization (Interpol) ang red notice batok kang Atong Ang.
Base sa report, una ng gihangyo sa Criminal Investigation and Detection Group (CIDG) niadtong Enero ang pag-isyu sa red notice nga base sa mga warrant of arrest batok kang Ang ug sa kaubanan niini nga nadakpan na tungod sa kaso nga maykalabotan sa pagkawala sa dili moubos 34 ka mga sabungero.
Kahibaloan nga ang Interpol red notice usa ka pormal nga hangyo sa tanang law enforcement agencies sa tibuok kalibutan nga pangitaon ug temporaryong dakpon ang usa ka tawo nga naghulat sa extradition.
Kabahin niini, gibutyag ni Remulla nga sa ilang impormasyon, wala pa makabiya sa Pilipinas si Ang ug sa karon padayon pa kining ginapangita.
Photo Courtesy: Inquirer
