Wala na kaikyas pa sa mga otoridad ang usa ka indibidwal human nadakpan sa mga otoridad atol sa gikasang Manhunt Charlie Operation didto sa Madang, Brgy Central, Mati City, Davao Oriental niadtong nakalabay nga adlaw.
Ang operasyon gihimo sa mga personahe sa Davao Oriental Maritime Police Station, kauban ang mga sakop sa Mati City Police Station nga miresulta sa pagkasikop sa usa ka lalaki nga gikonsidera nga Other Wanted Person.
Ang suspek naaresto pinaagi na sa pagpatuman sa warrant of arrest alang sa kasong paglapas sa (RA 11332) Mandatory Reporting of Notifiable Diseases and Health Events of Public Health Concern Act nga pentisahan niadtong Abril 21, 2024 ug adunay pyansang girekomendar ang korte nga mukabat sa Php3,000.00 alang sa iyang temporaryong kagawasan.
Sa karun ang dinakpan anaa na sa kustodiya sa Mati City Police Station alang sa tukmang disposisyon.
Photo Courtesy: Mati CPS
