Gipahibalo sa NASA nga ang asteroid nga Apophis, nga nailhan isip “God of Chaos,” moagi duol sa Earth sa Abril 13, 2029.
Ang maong asteroid, nga gibanabana sama kadako sa tulo ka football fields, moagi sa gilay-on nga mga 20,000 milya ibabaw sa Yuta—mas ubos pa kaysa sa ubang satellites sa kalibutan.
Bisan giila kini nga “potentially hazardous,” gipasalig sa NASA nga dili kini mghatag og hulga sa Yuta, ug luwas ang tanan sulod sa sunod 100 ka tuig base sa ilang pagmonitor.
Giingon usab nga kini usa ka talagsaong oportunidad aron mas matun-an sa mga siyentista ang maong asteroid ug uban pang near-Earth objects.
Posible usab kini makita sa mata sa mga tawo sa Eastern Hemisphere, depende sa kahimtang sa panahon.
Photo Courtesy: PNA
