Gi-aprubahan ni Pangulong Ferdinand R. Marcos Jr. ang usa ka Php4 bilyong emergency loan program aron matabangan ang micro, small ug medium enterprises (MSMEs) nga naapektuhan sa krisis sa Middle East.
Sumala ni Executive Secretary Ralph Recto, kabahin kini sa mas lapad nga ayuda sa gobyerno aron makuha-kuhaan ang epekto sa pagsaka sa gasto sa logistics, kakulang sa cash flow, ug problema sa supply chain nga giatubang sa mga negosyo.
Ilalom sa programa, ang mga MSMEs mahimong makautang gikan sa Php30,000 hangtod Php20 milyon matag usa aron matabangan sila sa pagpadayon sa ilang operasyon taliwala sa global economic challenges.
Ang maong loan program ipatuman pinaagi sa Department of Trade and Industry ug sa ilang financing arm nga Small Business Corporation.
Mahimo na ang pag-aplay online, ug gilauman nga maproseso sulod sa 7 hangtod 10 ka adlaw ang kumpletong aplikasyon.
Gituohan sa administrasyon nga kini nga programa mahimong “lifeline” sa MSMEs nga naglisod sa pag-access og pondo ilabi na karong panahon sa kalibutang krisis sa ekonomiya.
Photo Courtesy: MANILA TIMES
