Nag-viral sa social media ang usa ka talagsaong nga langgam sa Chile human mapansin ang iyang mata nga parehas sa “Sharingan” gikan sa anime nga Naruto.
Ang maong langgam giila nga White-tufted Grebe o lokal nga gitawag og “Pimpollo,” nga nailhan tungod sa pula nga kolor sa iyang mata.
Nakuha ang hulagway sa photographer nga si Soledad Plumita sa Batuco, Chile, nga hinungdan sa paspas nga pagkalat niini online.
Gipatin-aw nga natural lamang ang hitsura sa mata sa maong langgam ug dili kini binuhat o edited.
Sa pagkakaron, padayon nga ginahisgutan sa publiko ang maong talagsaong nga langgam sa social media.
Photo Courtesy: A.V FACTSTORIES
