Gipusil patay sa anak sa amo ang usa ka OFW nga taga Brgy. Olingan, Dipolog City, Zamboanga Del Norte.
Gikumpirma sa OWWA Zamboanga Del Norte ang maong taho sa pagkamatay ni Honeylith Cabrera Zamoras. Matod sa taho nga gipusil sa anak sa amo ang biktima nga maoy hinungdan sa kamatayon niini.
Personal matod pa nga mitaho sa ilang buhatan ang pamilya sa biktima niadtong adlawng Huwebes, Abril 17, 2026 ug gibutyag nga nakadawat sila ug tawag gikan sa Migrant Workers Office sa Lebanon kalabot na sa maong insidente.
Nangayo ug tabang ang pamilya aron nga mapauli ang patayng lawas sa biktima. Dugang pa nga adunay lain pang OFW ang kauban sa biktima nga giilang si Rona Gen Gavoso kinsa lakip sa gipusil patay.
Gipailawom na usab sa autopsy ang mga lawas sa biktima samtang padayon ang gihimong imbestigasyon sa mga otoridad sa maong insidente.
Photo Courtesy: Rutchell Lyndy Zamoras
