Gipahibalo ni Department of Trade and Industry (DTI) Secretary Cristina Roque nga walay gilauman nga pagsaka sa presyo sa mga pangunang palitunon hangtod sa Mayo 10. Kini human gipalawig ang unang gitakdang petsa nga Abril 30.
Matod pa ni Roque, ang “no price increase” nga palisiya gipadayon human misaad ang mga manufacturer nga dili sila mangayo og umento sa presyo sa mga prime commodities ug basic necessities.
Dugang pa niya, padayon ang monitoring sa DTI sa mga merkado aron masiguro nga nasunod ang gitakdang suggested retail price sa mga baligya.
Gipasalig usab ni Roque nga igo ang suplay sa mga nag-unang palaliton, busa wala’y angay kabalak-an ang publiko ug dili kinahanglan ang panic buying.
