Tungod sa gamay nga sweldo, gisunog sa usa ka empleyado nga giilang si Chamel Abdulkarim, ang dakong bodega sa usa ka kompanya didto sa Kimberly-Clark sa Ontario, California niadtong Abril 7.
Sumala pa sa imbistigasyon, nagtrabaho si Chamel sa usa ka third-party logistics company, diin iyang gireklamo ang iyang sweldo nga matod pa niya nga igo lang siya’ng mabuhi. Base sa imbestigasyon, nasayran pinaagi sa video nga giupload ni Abdulkarim nga siya mismo ang nag-sunog sa 1.2 million square-foot nga bodega, puno sa mga produkto sama sa tissue ug toilet paper.
Walay nasamdan sa insidente ug luwas nga na-evacuate ang tanang empleyado. Sa pagkakaron, ang video nga nakuha sa suspek mao ang nag-unang ebidensya sa kaso nga arson.
Photo Courtesy:Qasim Rashid
