Gibutyag ni Interior and Local Government Secretary Jonvic Remulla niadtong Huwebes, Abril 16 nga ilang nakit-an si Charlie Atong Ang sa Calabarzon duha na ka semana ang milabay.
Dugang pa ni Remulla nga ilang nasigpatan nga gamay ra ang grupo ni Ang, ug kanunay matod pa kining nagbalhin-balhin og lugar aron lamang dili siya madakpan. Gani, nakadawat ang kampo ni Remulla og kasaligan nga impormasyon gikan sa usa ka impormante, apan bisan pa man sa ilang follow-up operations pakyas gihapon kini nga madakpan.
Kahibaloan nga si Atong Ang, adunay kaso sa kidnapping nga maykalabutan sa giingong pagpatay niini sa labing menos 34 ka mga sabungero nga namissing. Una na niini, nakasikop ang mga otoridad ug 20 ka mga indibidwal nga gikatahong kauban ni Ang.
Kalabot niini, padayon pa usab ang mga kapulisan sa pagpangita kabahin sa nahimutangan ni Ang aron hingpit na kining masikop.
Photo Courtesy: Manila Bulletin
