Gipangunahan ni PMAJ Randy T. Galicia, Chief of Police sa Baganga Municipal Police Station ang gipahigayon nga unang Quarterly Meeting sa Municipal Anti-Drug Abuse Council (MADAC) sa munisipyo sa Baganga niadtong Abril 15, 2026.
Ang maong kalihokan gi-ubanan sa focal person sa MADAC nga si Sheila Quevedo ug gihisgutan ang kahimtang sa kampanya batok sa ilegal nga droga sa komunidad, lakip na niii ang mga nahimo nga programa sa miaging quarter ug ang mga plano.
Tumong niini aron mas mapalig-on pa ang drug prevention ug rehabilitation efforts sa munisipyo. Padayon usab ang konseho nga nakigkoordinar sa lain-laing ahensya sa gobyerno aron masiguro ang luwas, hapsay ug drug-free nga komunidad.
Gihangyo usab ang katawhan nga magtinabangay sa pagsumpo sa illegal nga droga aron nga mamentinar ang kalinaw sa lugar.
Photo Courtesy: LGU Baganga
