Sa Albany, New York, usa ka news anchor nga si Olivia Jaquith ang nahimong sentro sa diskusyon human niya gipadayon ang iyang morning broadcast bisan pa nagsugod na ang iyang pagpanganak.
Sumala sa report, nahitabo ang pagbuto sa iyang panubigan sulod mismo sa newsroom sa kaadlawon samtang anaa pa siya sa tunga-tunga sa iyang trabaho isip host sa morning show.
Imbis nga mohunong dayon ug mobiya sa estasyon, gipili ni Jaquith nga tapuson una ang programa. Sulod sa tulo ka oras, malinawon niyang gipadayon ang paghatod sa balita samtang anaa gihapon sa studio, ug nag-andam sa iyang kaugalingon matag commercial break.
Tungod niini, daghang manan-aw ug iyang mga kauban ang nakadayeg sa iyang dedikasyon ug propesyonalismo sa trabaho.
Photo Courtesy: Yahoo
