Gipaniguro sa Department of Energy (DOE) nga ilang ginabantayan ang mga isla sa nasud nga naggamit og diesel sa power generation. Matod ni Energy Secretary Sharon Garin, padayon silang nangita og paagi aron makakuha og mas barato nga diesel ang maong mga isla, aron dili mosaka ang ilang gasto sa operasyon.
Bisan pa sa pagsaka sa presyo sa diesel, giingon sa DOE nga walay gilauman nga power interruption sa nasud.
Gipatin-aw usab ni Garin nga wala nakaasa sa diesel ang kinatibuk-ang suplay sa kuryente sa Pilipinas, tungod kay mga 3% lamang niini ang gikan sa diesel.
Sa pagkakaron, ang imbentaryo sa diesel sa nasud kay igo pa sa 49 ka adlaw, samtang 54 ka adlaw sa gasolina, 104 ka adlaw sa kerosene, ug 67 ka adlaw sa jet fuel.
Photo Courtesy: Philippine Information Agency
