Gipadayag sa Civil Service Commission (CSC) ang pag-ila sa importante nga papel sa mga solo parent nga kawani sa gobyerno nga nagbalanse sa responsibilidad sa pamilya ug serbisyo publiko.
Sumala sa CSC, ang mga kwalipikadong solo parent nga government workers adunay katungod sa pito ka adlaw nga parental leave nga may bayad matag tuig ug dugang pa sa ubang benepisyo ug flexible work arrangements.
Nahisulat ang maong mga katungod ilawom sa CSC Memorandum Circular No. 8, series of 2004. Gipasabot sa CSC nga padayon nilang gisuportahan ug gihatagan importansya ang mga empleyado aron mapadayon ang maayong balanse tali sa trabaho ug pamilya.
Dugang pa sa ahensya, ang dedikasyon sa mga solo parent usa ka pamatuod sa ilang dungog, ug kahusayan isip mga lingkod-bayan.
