Patay ang usa ka Australian nga turista,, human kining nalumos sa Bigwish, Pacifico, Siargao Island niadtong nakalabay nga adlaw.
Sumala sa mga otoridad, usa ka personnel sa Philippine Coast Guard ang daling niresponde ug mihimo og life-saving resuscitation sa biktima aron unta maluwas ang iyang kinabuhi. Apan bisan pa sa paspas nga rescue efforts, wala na gyud kini nakasurvive ug gideklarar nga patay.
Nagpahimangno ang Philippine Coast Guard sa publiko, ilabi na sa mga turista, nga seryosohon ang mga warning signages ug safety advisories sa baybayon, tungod kay ang kahimtang sa dagat mahimong magbag-o sa mubo nga panahon.
Gipasabot usab nga kon dili sigurado sa kahimtang sa lugar, mas maayong mangutana una sa mga lokal nga residente o otoridad aron malikayan ang disgrasya.
Ang maong hitabo usa ka pahinumdom nga ang kaluwasan kinahanglan kanunay unahon sa tanang panahon sa pag-adto sa dagat.
