HOMEMADE HANDGUN GI-TURNOVER SA KAPULISAN

Gi-turnover ang usa ka homemade handgun nga walay serial number sa usa ka magtutudlo, sa Asuncion Municipal Police Station niadtong Abril 12, 2026.

Sumala sa usa ka personnel sa RPSB Sonlon, nga personal nga mitungha sa estasyon ang usa ka magtutudlo aron itugyan ang armas, isip kabahin sa kampanya batok sa loose firearms.

Sa imbestigasyon, nasayran nga ang maong armas una nang nakuha sa maong magtutudlo sa Sonlon National High School nga nailang si Mark Anthony Ramos, human niya kini nakit-an sulod sa eskwelahan.

Sa pagkakaron, ang maong armas anaa na sa kustodiya sa Asuncion PNP alang sa luwas nga pagtipig ug hustong disposisyon.