Mikunhod na ang ihap sa mga batang nag-antos og stunting sa Zamboanga Peninsula, sumala sa pinakabag-ong datos nga gipagula sa Department of Health (DOH) Region 9 pinaagi ni Dr. Cheryl Sarmiento, Medical Officer.
Base sa report, nagpakita kini og positibong resulta sa padayon nga kampanya sa gobyerno batok sa malnutrisyon, ilabi na sa mga bata nga ubos sa lima ka tuig ang pangidaron.
Gipatin-aw sa DOH nga ang stunting usa ka kondisyon diin ang bata dili moabot sa hustong tangkad alang sa iyang edad tungod sa kakulang sa hustong nutrisyon sa dugay nga panahon.
Lakip sa mga hinungdan sa pagkunhod mao ang mas pinalig-on nga feeding programs, regular nga health check-ups, ug edukasyon sa mga ginikanan kabahin sa hustong pagpakaon sa bata.
Bisan pa niini, padayon gihapon ang panawagan sa DOH 9 sa mga ginikanan ug komunidad nga magtinabangay aron mas mapakunhod pa ang kaso sa malnutrisyon sa Zamboanga Peninsula.
Photo Courtesy: DOH Zamboanga Peninsula CHD
