Giarest sa kapulisan ang usa ka 19-anyos nga estudyante nga mobisita unta sa usa ka Person Deprive of Liberty (PDL) gawas sa Pagadian City Police Station custodial facility at Gatas District, Pagadian City, adlaw’ng lunes, Abril 14, 2026.
Sa inisyal nga imbestigasyon sa kapulisan, nahitabo ang pagdakop samtang naghimo ug routine inspection alang sa mga bisita nga nagdala ug pagkaon alang sa mga PDLs.
Namatikdan sa custodial officer ang iregularidad sa sandwich nga giputos sa cellophane rason sa ilang pagsusi niini ug nakita ang daw gipalaman sa sandwich nga usa ka pakete sa gituohang shabu.
Ang nakuha nga butang gidala sa Zamboanga del Sur Provincial Forensic Unit alang sa aboratory examination, samtang ang suspetsado pabilin nga nakakustudiya sa Pagadian City Police Station alang sa tukmang lakang.
Photo Courtesy:Pagadian City Police Station
