Gipaambit ni BINI member Aiah Arceta sa iyang Instagram Story ang mensahe sa usa ka netizen human sa ilang performance sa Coachella.
Sa mensahe, nagpasalamat ang fans sa pagkakita sa ilang performance sa Coachella. Matod pa niya, emotional siya ug nakahatag kini og “healing” sa iyang pagkabata, ilabina sa iyang kasinatian nga gibully siya tungod sa iyang pagka-Pilipino, samtang nagdako sa gawas sa nasud.
Gipasabot usab ni Aiah nga ang ilang kalampusan dili lamang para sa grupo, kundi alang sa tanang Pilipino. Gipasiugda usab niya ang kahinungdanon sa representation sa paghatag og paglaum ug garbo.
Photo Courtesy: Cosmo.ph
