Gikondena ni Italy Prime minister Giorgia Meloni, ang mga pahayag ni US President Donald Trump batok ni Pope Leo XIV, ug gitawag kini nga “dili madawat” o unacceptable.
Sa iyang opisyal nga pahayag niadtong Lunes, gibutyag ni Meloni nga dili angay himuong target sa pagbatikos ang Santo Papa, nga maoy lider sa Simbahang Katolika ug adunay dakong papel sa pagpalambo sa kalinaw ug pagpanalipod batok sa kagubot ug gubat.
Misamot ang tensyon tali sa White House ug sa Vatican human sa kontrobersyal nga mga pahayag ni Trump sa social media ug sa pipila ka interbyu.
Sa maong mga pahayag, giakusahan niini ang Santo Papa nga mahuyang batok sa krimen ug dili maayo sa foreign policy.
Padayon karon ang pagtan-aw sa internasyonal nga komunidad sa maong isyu, hilabina tungod sa implikasyon niini sa relasyon tali sa Estados Unidos ug sa Simbahang Katolika.
Photo Courtesy: Gab Batican
