Gisiguro sa Department of Foreign Affairs (DFA) ang kasabutan alang sa joint oil and gas exploration, uban sa China o sa laing mga nasud, hugot nga pagsunod sa konstitusyon ug sa mga kasamtangang balaod sa Pilipinas samtang giprotektahan ang soberanya sa West Philippine Sea.
Gihatagan og gibug-aton sa DFA nga ang nasud nga adunay eksklusibong katungod sa mga natural nga kahinguhaan sulod sa exclusive economic zone (EEZ), ug ang bisan unsang desisyon kinahanglan nga subay sa legal nga pamalaod ug interes sa nasud.
Gibutyag usab sa ahensya nga nagmando si President Ferdinand Marcos Jr., sa kagamhanan nga susihon ang tanang legal ug praktikal nga mga option aron masiguro ang energy security, ilabi na taliwala sa kawalay kasegurohan sa suplay sa lana sa tibuok kalibutan ug sa nagpadayong energy emergency sa nasud.
Samtang, nanawagan ang pipila ka mga magbabalaod og transparency o katin-awan sa maong hisgutanan, dungan sa pahinumdom nga kinahanglan respetohon ang 2016 arbitral ruling ug likayan ang mga kasabutan nga supak sa soberanya sa nasud.
Photo Courtesy: Wikipedia
