Nakadawat og grabeng pagsaway si U.S. President Donald Trump human siya nag-post og usa ka AI-generated nga hulagway sa usa ka “Jesus-like figure” sa wala pa kini hingpit nga gipaubos sa iyang social media platform nga Truth Social.
Ang hulagway gipagawas dungan sa bag-ong pag-atake ni Trump batok kang Pope Leo XIV, kinsa gitawag niya nga “weak on crime” ug “terrible for foreign policy.”
Sa AI image, makita si Trump nga nagsul-ob og puti nga robe ug daw nag-ayo og usa ka tawo, aduna usab siyay gikuptan nga masidlak nga orb, samtang anaa sa background ang mga simbolo sama sa Statue of Liberty, agila, ug mga fighter jets.
Nag-viral ang post og miani og mga kritisismo bisan gikan sa pipila ka konserbatibong grupo nga nagsuporta kaniya ug gikan sa mga iladong personalidad sa conservative circles, kinsa nag-ingon nga dili angay nga himuong “religious figure” ang usa ka politiko.
Pipila usab ka kritiko ang nag-ingon nga ang post mahimong makaapekto sa relasyon ni Trump ngadto sa religious right, nga usa sa mga nahimong rason sa iyang pagdaog kaniadto sa eleksyon.
Nagpabiling hilom ang White House, samtang ang post gi-delete na gikan sa account ni Trump.
Photo courtesy: Reuters
