Lakip sila si Olympic silver medalist ug boksingero nga si Onyok Velasco ug basketball icon Ramon Fernandez sa mga atleta nga nakatakdang isulod sa 2026 class sa Philippine Sports Hall of Fame, diin ipahigayon ang enshrinement ceremony karong Mayo.
Sila si Velasco ug Fernandez ang nag-una sa batch sa mga inductees karong tuiga, nga gilangkuban usab nila ni Adeline Dumapong-Ancheta (sa powerlifting), Beatriz Lucero Lhuillier (gymnastics/taekwondo), Cecil Mamiit (tennis), Eduardo Pacheco (football/baseball), ug Isidro del Prado (athletics).
Matod pa ni Philippine Olympic Committee president Abraham Tolentino, tanan man deserving, apan kinahanglan nila mopili. Gihatagan og gibug-aton ni Philippine Sports Commission chairman Patrick Gregorio nga ang Hall of Fame nagsilbing pahinumdom sa garbo sa nasud pinaagi sa sports.
Sumala ni Gregorio, ang Philippine Sports Hall of Fame labaw pa sa usa ka pasidungog sa mga medalya. Kini usa ka buhing ledger sa kabililhon nga naghatag og dungog sa mga tawo nga naghatag og kahulugan sa pagka-Pilipino sa isport,”
“Dili lang kini mga ngalan. Kini ang garbo ug handumanan sa usa ka nasud.
Ang Hall of Fame sa pagkakaron adunay 37 ka inductees, lakip ang mga inilang indibidwal sama ni Teofilo Yldefonso, ang unang Filipino ug Southeast Asian Olympic medalist nga nakakuha og bronze niadtong 1928 ug 1932 Olympics; 1936 Olympic bronze medalist nga si Miguel White; basketball greats Caloy Loyzaga, Kurt Bachmann, ug Robert Jaworski; boxing legends Gabriel Elorde ug Pancho Villa; icon sa football nga si Paulino Alcantara; ug bowling champions Paeng Nepomuceno ug Bong Coo, ug uban pa.
Photo courtesy: Rappler
