Padayong gibantayan sa state weather agency ang Super Typhoon Sinlaku nga anaa pa sa gawas sa Philippine Area of Responsibility (PAR).
Uwahing nakit-an ang bagyo sa gilay-ong 2,430 kilometro silangan sa Visayas. Nagbaton kini og kinakusgang hangin nga moabot sa 215 kilometro matag oras duol sa tunga, ug haguros nga moabot hangtod sa 265 kilometro matag oras.
Naglihok ang bagyo sa direksyong amihang-kasadpan (northwest) sa katulin nga 15 kilometro matag oras. Bisan og wala pa kini direktang epekto sa nasod, hugot nga gibantayan ang lihok niini tungod sa gihuptan niining kakusgon.
Sa laing bahin, nagpabiling apektado ang ridge sa High-Pressure Area (HPA) sa amihanang Luzon, nga naghatag og init ug alingi-i nga panahon sa dakong bahin sa nasod.
Gimandoan ang publiko nga magpabiling alerto ug padayong mag-monitor sa mga pahibalo gikan sa state weather agency.
Photo courtesy: The Guam Daily Post
