Gipasidan-an sa Presidential Communications Office (PCO) ug ang Department of Information and Communications Technology (DICT) ang Meta Platforms Inc. nga mahimong mag-atubang og mga kaso kon dili kini makapugong sa pagkaylap sa peke nga balita sa mga plataporma sama sa Facebook.
Sa sulat gikan sa duha ka ahensya, ang Meta gimandoan nga hugtan dayon ang pagbantay niini batok sa sayop nga impormasyon nga hinungdan sa kalisang ug kagubot.
Ang kompanya adunay 48 ka oras aron kumpirmahon ang sulat ug pito ka adlaw aron maghimo og konkreto nga plano.
Sumala sa DICT ug PCO, kon walay aksyon, mahimo kining mag-atubang og mga legal ug regulasyon nga mga lakang sa koordinasyon sa Department of Justice ug uban pang mga ahensya.
Gipasiugda sa gobyerno nga ang epekto sa peke nga balita nagkagrabe taliwala sa pagsaka sa presyo sa lana ug mga palaliton.
Lakip sa mga target ang Peke nga balita bahin sa panglawas sa presidente, Sayop nga impormasyon bahin sa presyo ug suplay sa lana og Pagpanglimbong sa bangko ug ekonomiya.
Nagpasidaan ang gobyerno nga ang maong mga kalihokan mahimong makalapas sa Cybercrime Law ug uban pang kasamtangang mga balaod.
Photo Courtesy:WSJ
