Gipasiugda sa usa ka opisyal sa Philippine Army, ang importansya sa Reserve Officers’ Training Corps (ROTC) sa paghulma sa disiplina sa kabataan.
Sa ekslusibong pag-interview sa Juander Radyo News Team bag-ohay lang ni COL. Calixto Donilo Cadano Jr.,,Artillery General Staff Corps, Philippine Army ang Group Commander sa 11th Regional Community Defense Group Reserve Command Philippine Army nga nakabase didto sa Camp San Gabriel, Mintal, Davao City, miingon nga ang ROTC usa ka programa sa gobyerno nga nagtumong sa pagpalambo sa responsibilidad, liderato, ug nasyonalismo sa mga estudyante.
Matod pa kaniya, pinaagi sa ROTC, matudluan ang kabataan sa hustong pamatasan UG pagrespeto sa awtoridad.
Dugang pa niya, ang programa dili lamang bahin sa militar nga pagbansay, kondili usa usab ka paagi aron mapalig-on ang karakter ug panaghiusa sa kabatan-onan ug kaandam sa pagserbisyo sa nasod ug sa panahon sa panginahanglan.
