Ugdaw ang usa ka pinuy-anan sa usa ka Jade Lapos, residente sa Ormoc City, human miulbo ang dakong kalayo niadtong nakalabay nga adlaw sa Purok-3, Barangay Milagro sa dakbayan.
Sumala pa sa imbistigasyon sa Bureau of Fire Protection Ormoc City, nakuratan ang mga silingan niini human mitumaw ang pagdilaab sa naasoy nga gambalay diin dali usab dayon nga nanawag og pakitabang nga girespondihan sa BFP Ormoc lakip usab ang EDC Volunteer Fire Brigade ug napalong alas 8:15 sa kagabhion.
Gituohang wiring ang hinungdan sa pagkaugdaw sa balay ug gibana-banang mikantidad sa Php900,000.00 pesos ang estimitar nga damyos sa naasoy nga insidente.
Photo Courtesy: Bureau of Fire Protection Ormoc City
